ਸ਼ਿਮਲਾਪੁਰੀ/ਜੰਮੂ ਕਲੋਨੀ ਇਲਾਕੇ ਵਿੱਚ ਸਥਿਤ ਸ਼੍ਰੀ ਬਾਲਾਜੀ ਮੰਦਰ ਵਿਖੇ ਮੂਰਤੀਆਂ ਦੀ ਬੇਅਦਬੀ ਅਤੇ ਤੋੜਫੋੜ ਦੀ ਘਟਨਾ-ਲੁਧਿਆਣਾ

ਲੁਧਿਆਣਾ 17 ਸਤੰਬਰ (ਕੁਨਾਲ ਚੋਪੜਾ) –

ਵਿਵਾਦ ਦੀ ਸ਼ੁਰੂਆਤ: ਮੰਦਰ ਦੇ ਪੁਜਾਰੀ ਅਨੁਸਾਰ, ਇੱਕ ਮਹਿਲਾ ਸ਼ਰਧਾਲੂ ਨੇ ਸ਼੍ਰੀ ਬਾਲਾਜੀ ਦੀ ਮੂਰਤੀ ਨੂੰ ਗਲਤ ਤਰੀਕੇ ਨਾਲ ਛੂਹਿਆ ਅਤੇ ਜ਼ਬਰਦਸਤੀ ਸਿੰਦੂਰ ਲਗਾਉਣਾ ਸ਼ੁਰੂ ਕਰ ਦਿੱਤਾ। ਜਦੋਂ ਪੁਜਾਰੀ ਅਤੇ ਉੱਥੇ ਮੌਜੂਦ ਹੋਰ ਲੋਕਾਂ ਨੇ ਉਸਨੂੰ ਅਜਿਹਾ ਕਰਨ ਤੋਂ ਰੋਕਿਆ, ਤਾਂ ਉਸਨੇ ਬਹਿਸ ਕਰਨੀ ਸ਼ੁਰੂ ਕਰ ਦਿੱਤੀ। ਮੰਦਰ ‘ਤੇ ਹਮਲਾ: ਮਹਿਲਾ ਨੇ ਫੋਨ ਕਰਕੇ ਆਪਣੇ 5 ਤੋਂ 7 ਸਾਥੀਆਂ ਨੂੰ ਬੁਲਾ ਲਿਆ, ਜਿਨ੍ਹਾਂ ਨੇ ਮੰਦਰ ਅੰਦਰ ਵੜ ਕੇ ਹੰਗਾਮਾ ਕੀਤਾ ਅਤੇ ਸ਼ਰਧਾਲੂਆਂ ‘ਤੇ ਹਮਲਾ ਕਰ ਦਿੱਤਾ। ਇਸ ਕੁੱਟਮਾਰ ਵਿੱਚ ਦੋ ਲੋਕ ਜ਼ਖਮੀ ਹੋਏ ਹਨ। ਮੂਰਤੀਆਂ ਦੀ ਬੇਅਦਬੀ: ਹੰਗਾਮੇ ਦੌਰਾਨ ਹਮਲਾਵਰਾਂ ਵੱਲੋਂ ਸ਼ਨਿਦੇਵ ਜੀ ਦਾ ਤ੍ਰਿਸ਼ੂਲ ਤੋੜ ਦਿੱਤਾ ਗਿਆ ਅਤੇ ਮਾਤਾ ਸ਼ੇਰਾਵਾਲੀ ਦੀ ਮੂਰਤੀ ਦੀ ਉਂਗਲ ਵੀ ਖੰਡਿਤ ਕਰ ਦਿੱਤੀ ਗਈ। ਇਸ ਘਟਨਾ ਕਾਰਨ ਸਥਾਨਕ ਲੋਕਾਂ ਅਤੇ ਸ਼ਰਧਾਲੂਆਂ ਵਿੱਚ ਕਾਫੀ ਰੋਸ਼ ਪਾਇਆ ਜਾ ਰਿਹਾ ਹੈ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ