ਬਾਲਿਆਂਵਾਲੀ ਵਿਖੇ ਨੱਚਦੇ ਗਾਉਂਦੇ ਕਾਵੜ ਲੈ ਕੇ ਪਹੁੰਚੇ ਸ਼ਿਵ ਭਗਤ ਜਲ ਚੜਾਉਣ ਲਈ ਮੰਦਿਰ ‘ਚ ਲੱਗੀਆਂ ਰਹੀਆਂ ਲੰਮੀਆਂ ਕਤਾਰਾਂ

ਬਾਲਿਆਂਵਾਲੀ, 1 ਮਾਰਚ :- ਸਥਾਨਕ ਖੇਤਰ ਦੀਆਂ ਸ਼ਿਵ ਭਗਤਾਂ ਦੇ ਜਥੇ ਮਹਾਂ ਸ਼ਿਵਰਾਤਰੀ ਦੇ ਤਿਉਹਾਰ ਮੌਕੇ ਮਹਾਂਦੇਵ ਦੀ ਮਹਿਮਾ ਗਾਉਂਦੇ, ਭੋਲੇ ਨਾਥ ਦੀ ਭਗਤੀ ਵਿਚ ਝੂਮਦੇ ਹੋਏ ਸਾਇਕਲਾਂ, ਮੋਟਰਸਾਈਕਲਾਂ, ਦੇ ਕਾਫ਼ਲਿਆਂ ਨਾਲ ਸ਼ਿਵ ਮੰਦਿਰ ਬਾਲਿਆਂਵਾਲੀ ਵਿਖੇ ਗੰਗਾ ਜਲ ਦੇ ਕਾਵੜ ਲੈ ਕੇ ਪਹੁੰਚੇ, ਜਿਨ੍ਹਾਂ ਦਾ ਪੰਡਿਤ ਅੰਕਿਤ ਸ਼ਰਮਾਂ ਵੱਲੋਂ ਪੂਜਨ ਕਰਵਾਇਆ ਗਿਆ ਤੇ ਫਿਰ ਭਗਵਾਨ ਸ਼ਿਵ ਨੂੰ ਗੰਗਾ ਜਲ ਚੜਾਇਆ ਗਿਆ। ਇਸ ਮੌਕੇ ਮੰਦਿਰ ਵਿਚ ਸੰਗਤਾਂ ਦੀਆਂ ਲੰਮੀਆਂ ਕਤਾਰਾਂ ਜੁੜੀਆਂ ਰਹੀਆਂ। ਸੰਗਤਾਂ ਵੱਲੋਂ ਭਗਵਾਨ ਸ਼ਿਵ ਨੂੰ ਜਲ ਅਭਿਸ਼ੇਕ, ਦੁੱਧ, ਦਹੀਂ,ਫਲ, ਫੁੱਲ ਅਰਪਣ ਕਰ ਮੰਨਤੇ ਮਾਂਗੀ। ।ਇਸ ਮੌਕੇ ਸ਼ਿਵ ਰਾਤਰੀ ਦਾ ਵਰਤ ਰੱਖਣ ਵਾਲੀਆਂ ਸੰਗਤਾਂ ਲਈ ਚਾਹ ਤੇ ਔਗਲੇ ਦੇ ਆਟੇ ਦੇ ਪਕੌੜਿਆਂ ਦਾ ਲੰਗਰ ਲਗਾਇਆ ਗਿਆ ਅਤੇ ਭਗਵਾਨ ਸ਼ਿਵ ਦੇ ਨਾਮ ਦਾ ਕੀਰਤਨ ਕੀਤਾ ਗਿਆ।

Author: DISHA DARPAN

Journalism is all about headlines and deadlines.